आठवण

आठवण

आठवण येते कधी मला
आणि गालावर खुदकन खळी पाडते...
तर कधी हसता हसता
डोळी माझ्या पाणी आणते...

गर्दीत राहून सुध्दा ती
एकांताचा भास देते...
अन एकांतात गेली तरी मला
नाही कधी एकटे सोडते...

डोळे बंद केल्यावर
नवे जग दाखवते...
अन डोळे उघडले
तरी धुंद करून टाकते...

दूर लोटायचा प्रयत्न केला
तर अधिकच जवळ येवून बसते...
जवळ तिला बोलावले तर मात्र
कोपऱ्यात कुठे दडून बसते...

हिच आहे माझी खरी मैत्रीण
नेहमी साथ देणारी...
आंगतुक असली तरी
हवी हवीशी वाटणारी...